Wefdi uu hoggaaminayo wasiirka arrimaha dibadda ee maamulka Yahuudda, gaalka lagu magacaabo Gideon Sa’ar ayaa shalay booqasho ku tagay magaalada Addis Ababa ee xarunta dawladda saliibiyada Itoobiya.
Wefdigan ayaa ujeedka socdaalkooda lagu sheegay xoojinta xiriirka qotada dheer ee ka dhaxeeyey dawladda saliibiyada Itoobiya iyo maamulka Sahaayuuniyada, sida ay shaacisay wasaaradda arrimaha dibadda Itoobiya.
Ra’iisul wasaaraha Itoobiya Abiy Axmed ayaa bartiisa X, ku sheegay in isniintii shalay uu wada-hadal wax-ku-ool ah oo ku saabsan xiriirka laba geesoodka ah uu la yeeshay wasiirka arrimaha dibadda Yahuudda, Gideon Sa’ar.
“Waxaan sii wadaynaa wadaagga xiriir soo jireen ah oo ku salaysan xididdo taariikhi ah iyo xiriiro hore…” ayuu yiri Abiy Axmed, oo sidoo kale xusay in maamulka Yahuudda ay iska kaashan doonaan dhinacyada dhaqaalaha, siyaasadda iyo diblomaasiyadda.
Wasiirka arrimaha dibadda Yahuudda ayaa sidoo kale kulan uu la qaatay dhiggiisa Itoobiya, Gedion Timothewos, lagu gorfeeyey sidii ay iskaga kaashan lahaayeen danaha wadaagga ah ee gobolka oo ay ka mid yihiin ammaanka, caafimaadka, waxbarashada, iyo tignoolajiyada, sida ay sheegtay wasaaradda khaarajiga Itoobiya.
Wasiirka arimaha dibada Itoobiya ayaa sidoo kale carabka ku adkeeyay waxa uu ugu yeeray argagixisada oo u sheegay in labadooda dhinacba ay khatar ku tahay, isaga oo tilmaamay sida ay Itoobiya uga go’an tahay xoojinta iskaashiga dhinaca ammaanka ee ay la leeyihiin Yahuudda.
Sidoo kale Wasiirka Arrimaha Dibadda Sahaayuuniyada ayaa sheegay in Itoobiya ay tahay “saaxiib muhiim ah oo Yahuuddu ay leedahay, isagoo booqashadiisana ku sifeeyey mid hormuud ka ah bar-bilawga hawl-gelinta Yahuudda ee qaaradda Afrika.
Booqashadan ayaa imanaysa maalin uun kadib markii machad Yahuuddu ay leedahay oo la yiraa Jerusalem Center for Security and Foreign Affairs uu sheegay in khatar weyn ay kusoo fool leedahay Itoobiya maaddaama ayuu yiri Soomaaliya ay qarka u saaran tahay in ay la wareegaan Mujaahidiinta Xarakada Al-Shabaab.
About The Author
