Institute for the Study of War oo ah Hey’ad qaabilsan daraasaadka dagaallada fadhigeeduna yahay magaalada Washington ayaa warbixin ay baahisay Khamiistii lasoo dhaafay waxay ku sheegtay in guulihii mujaahidiinta AL-Shabaab ay gaareen bilihii lasoo dhaafay ay kala daadiyeen, dhabarkana ka jabiyeen maleeshiyaadka kooxda Riddada Somaliya.
Hey’ad-gaaleeddan oo magaceeda loosoo gaabiyo ISW, waxay carabowday in mujaahidiintu ay dhawaan la wareegeen deggaanka Ceel-hareer ee duleedka Moqokori, kadib markii ay ka fara-maroojiyeen ayay tiri maleeshiyaadka Nabad-sugidda ee kooxda Gurguurte oo halkaasi ku sugnaa.
Warbixintu waxay tibaaxday in deggaanka Ceel Hareeri uu ku fadhiyo waddooyin muhiim ah oo isku xira deegaanno ka tirsan bartamaha Soomaaliya, sida Moqokori iyo Maxaas oo ka mid ah meelaha dhifta ah ee deggaannadaasi kaga sii harsan gacanta kooxda Villa Somaliya.
Sidoo kale mujaahidiintu waxay la wareegeen ayay tiri warbixintu, deggaanka Xawaadley oo qiyaastii 39 mayl dhanka waqooyi kaga beegan magaalada Muqdisho. Taas oo halis gelinaysa kooxda riddada isla markaana dhaxalsiinaysa cawaaqib amni oo ballaaran sida ay tilmaantay hey’adda ISW.
Guulihii ay mujaahidiintu ka gaareen dagaalladii ay kula wareegeen degmada Aadan Yabaal iyo deggaanno kale oo ka tirsan gobollada Shabeellaha dhexe iyo Hiiraan ayay warbixintu xustay in ay qayb ka yihiin hawl-gallo xooggan, ka hor-taggooduna adag yahay oo geesiyada Tawxiidku ay ka wadaan gobolladaasi.
Warbixintu waxa kale oo ay xustay in weerarradani ay baabiiyeen maleeshiyaadkii lasoo abaabulay, isla markaana ay halis istaraatiiji ku yihiin kooxda riddada, sidoo kalena ay dhulka la simeen guullihii ay sheegan jireen 2022-kii, xilligaas oo Maraykanku si weyn uga caawiyay ayay tiri warbixintu la-dagaallanka Al-Shabaab.
About The Author
