Howlgalkii ciidamada mujaahidiintu saqdii dhexe ee shalay ka fuliyeen dhulka NFD, gaar ahaan deegaanka Qarso ee hoostaga degmada Qorof Xaraar ee ka tirsan gobolkaasi ayaa walaac ku abuuray masuuliyiinta dowladda Kenya ee laga soo doorto gobolkaasi.
Murtad Aadan Daa’uud oo ah xildhibaan laga soo doorto deegaanka Qarso ee oo ah deegaanka uu howlgalku ka dhacay ayaa ka hadlay dilka ay ciidamada mujaahidiinta u gaysteen guddoomiyihii dowladda saliibiyadda ee Kenya ugu magacownaa deegaankaasi iyo sarkaal kale.
Wuxuu xaqiijiyay in weerarka uu gallaaftay nolasha Cadoow Cali Cabdullaahi, guddoomiyihii Kenya ee deegaankaasi iyo sarkaal kale oo uu sheegay in uu la shaqeynayay, sarkaalka labaad oo la oran jiray Nuur Gaabis Cali ayaa si gaar ah ula shaqeyn jiray ciidamada Afduubka saliibiyiinta Kenya ee sida ba’an u dhibaateeya dadka dhacabka ah.
Saraakiisha ciidanka mujaahidiinta oo Al-andalus la hadlay waxay xaqiijiyeen in masuulka iyo sarkaalka weerarkan lagu dilay in in muddo ahba lagu raad-joogay, maadaama ay ahaayeen kuwa dhibaato xooggan ku hayay bulshada muslimka ah ee ku dhaqan deegaankaas.
About The Author
