Wararka ka imaanaya gobollada waqooyi bari Soomaaliya ayaa sheegaya in gacanta lagu dhigay markab shixnado hub ah kasoo daabulay mid kamida dowladaha shisheeye ee duullaanka saliibiga ah kusoo qaaday shacabka Soomaaliyeed.
Maleeshiyaad daacad u ah maamulka isku magacaabay Puntland ayaa qabtay markab xamuul ah oo saanado hub ah kasoo daabulay dalka Turkiga kunasii jeeday magaalada Muqdisho.
Ilo wareedyo ayaa sheegaya in maleeshiyaadka loo yaqaan PMPF ee Imaaraatku tababaray ay gacanta ku dhigeen markabkan oo sido gaadiid gaashaaman gaar ahaan nuuca loo yaqaan Taawyada,rasaas,qoryo gacmeedyo iyo saanado kale oo kuwa dagaalka ah.
Ciidamada maamulka Puntland ayaa markabkan qabtay saacado yar kadib markii uu kasoo gudbay gacanka Cadmeed uuna soo galay biyaha badweynta Hindiya, saraakiil katirsan maamulka Ashahaadda ladirirka ah ee fadhigiisu yahay Garowe ayaa lagasoo xigtay in shaqaalaha markabka lagu amray in ay u hoggaansamaan awaamirta ay siinayaan saraakiisha maleeshiyaadka loo yaqaan PMPF.
Illaa iyo hadda wax war ah kamasoo bixin kooxda Riddada Soomaaliya oo larumeysanyahay in markabkan uu iyada u socday, sidoo kale wax war ah kamasoo bixin dhanka xukuumadda Turkiga oo ku saabsan waxa ay ka ogtahay markabkan dalkeeda ka yimid ee lagu qabsaday biyaha Soomaaliya.
Sanaddii lasoo dhaafay ayay maleeshiyo beeleedyo hubaysanayaa duleedka degmada Balanballe ee bartamaha Soomaaliya ku qabsadeen gaadiid hub farabadan kasoo daabulay dhanka Itoobiya waxaana hubkaas lagu kala qeysaday degmada Caabudwaaq.
About The Author
