Saacadihii lasoo dhaafay waxaa baraha bulshada qabsaday sawirro muujinaya madaxweyne ku xigeenka maamulka Riddada Hirshabeelle, murtad Yuusuf Dabageed, oo lagu sheegay in uu sagootinayo dhaawacyo ka mid ah maleeshiyaadkii Riddada ee ku soo dhaawacmay dagaalladii ka dhacay Hiiraan. Sawirradaas markii la baahinayay ayaa lagu sheegay in maamulka Riddada Hirshabeelle uu diyaarad u kireeyay dhaawacyadaas, si dib loogu celiyo Hiiraan.
Hase ahaatee, kadib markii la isku sawiray dhaawacyada aanan wali bogsoonin ayaa goobtii looga kala dhaqaaqay iyadoo aanay jirin wax diyaarad ah oo loo kireeyay, kadib markii la waayay cid bixisa lacagta kirada diyaaradda.
Wararka ayaa intaas ku daraya in madaxa maamulka Riddada ee Hirshabeelle murtad Cali Guudlaawe uu horay ugu ballanqaaday inuu maamulkiisa bixin doono kharashka diyaaradda, balse markii dhaawacyadu ay gaareen garoonka diyaaradaha uu ka baaqsaday bixinta lacagta, taasoo keentay in dhaawacyada ay ku dhex xayirnaadaan garoonka ilaa ugu dambeyn dhaawacyadii dib loogu celiyey goobihii caafimaadka ee markii hore laga soo qaaday, iyadoo illaa iyo hadda aan la helin wax diyaarad ah oo qaadda.
Muddooyinkii ugu dambeeyay waxaa aad isu soo tarayay wararka la xiriira dayaca iyo daryeel xumada ay la kulmayaan maleeshiyadii kusoo dhaawacmay dagaalladii ashahaada la dirirnimada ahaa ee ay kaga jireen wilaayada Hiiraan, waxaana soo ifbaxday isku tuurtuur la xiriira cidda qaadeysa mas’uuliyadda dhaawacyadaas, waxaana ilaa iyo hadda aanan jirin cid dhabarka u ridata darxummada heysata maleeshiyaadka xaabada looga dhigay la dagaallanka sharciga Allaah.
About The Author
