Murtad Axmed Macalin Fiqhi oo ah wasiirka Gaadhaandhigga dowladda Riddada ee Somalia ayaa isagoo ka hadlayey meel fagaaro ah weerar afka ah ku qaaday qaar kamid ah xubnaha mucaaradka ee ku bohoobay madasha “Samatabixinta”.
Fiqhi ayaa Hanjabaad iyo caay isugu daray xubaha mucaaradka ee kala ah Shariif murtad, Rooble, Xasan Cali Kheyre, Abdiraxmaan Abdishakuur, iyo Axmed Ciise Cawad, oo ah xubno mucaarad ah oo siweyn uga soo horjeeda siyaasadda Xasan Gurguurte.
Fiqhi ayaa xubnahan ugu hanjabay inaysan Muqdisho ku qaadan karin hub ay kula dagaallamaan Gurguurte, haddii taaso ay dhacdana uu isagu la dagaalamayo, tallaabana ka qaadayo.
Murtad Fiqhi ayaa ku eedeeyey xubnaha mucaaradka Muqdisho inay doonayaan dagaal, iyo burbur ay usoo jiidaan magaalada Muqdisho, isagoona sheegay inay diideen in xal laga gaarro khilaafka kala dhaxeeya iyaga iyo Xasan Gurguurte.
Arrintaan waxay imaanaysaa xilli sidoo kale khudbad uu magaalada Dhuusamareeb dhawaan uu ka jeediyey Xassan Gurguurte ku eedeeyey mucaaradka inay fashiliyeen kulamadii wadahadalada ee socday, islamarkaana ay diideen xal kasto oo lagu xalin lahaa arrimaha la isku heysto.
About The Author
