Degmada Caabudwaaq ee dhacda gobolka Galgaduud ee bartamaha Somalia waxaa saacadihii lasoo dhaafay ka dhacay isku soo bax ay dhigeen dadweyne fara badan oo ay ku jiraan ciidan hubeysan, kuwaasoo diidan doorashooyinka uu wato murtad Xassan Sheekh.
Dibadbaxayaasha ayaa socod ku maray qaybo ka mid ah degmada, waxaana dhinac socday oo qayb ka ah maleeshiyaad hubeysan oo ku qalabaysnaa hub iyo gaadiid dagaal, kuwaasi oo diidan nidaamka doorasho ee madaxa kooxda Riddada murtad Gurguurte iyo murtad Qoorqoor.
Waxay si cad u sheegeen inaysan oggolayn nidaamka doorasho ee ay wataan madaxda kooxda Riddada iyo kan maamul goboleedka Riddada Galmudug ee ah doorashada qof iyo codka.
Qaar ka mid ah maleeshiyada hubeysan ee dibadbaxa qaybta ahaa oo goobta ka hadlay ayaa sheegay inaysan sanduuqyada doorasho ee Xasan Gurguurte halkaasi geeyay aysan shaqayn doonin, haddii halkaasi laga qaadi waayana ay tallaabo qaadi doonaan.
Murtad Gurguurte iyo madaxda kale ee maamul goboleedyada ashahaada la dirirka ee isla qaatay nidaamkan doorasho ee muranka badan uu ka taagan yahay ayaa wajahaya cadaadisyo gudaha iyo dibadda ah.
About The Author
