Waxaa isa soo taraaya walaaca fashil ee dul-hoganaya duullaanka Saliibiga ah ee muddada badan ka socday dalka Soomaaliya, kaas oo cago badan aan ku taagnayn, sii socoshadiisana aad looga dayriyey, kadib markii Allaah fadligiis mujaahidiintu afka ciidda u dareen.
Urur-gaalleedka Qaramada Midoobay ayaa shaaca ka qaadday in halis uu ku jiro duullaanka macatab-ku-dirirka ah ee isbahaysiga AUSSOM ay ka wadaan dalka Soomaaliya, isla markaana dhaqaale la’aantii ku habsatay hawl-galkaasi ay kasii darayso.
Qaramada Midoobay, waxay xustay in calooshood-u-shaqaystayaasha Afrikaantu, aysan wax mushahar ah qaadan muddo muddo 15 bilood ah. Wixii muddadaasi ka dambeeyana aanay suuro-gal ahayn inay sii wadaan hawl-galkaasi.
Xoghayaha Guud ee Qaramada Midoobay gaalka lagu magacaabo António Guterres oo ka hadlayay kulan la doonayay in lagu soo nooleeyo maal-gelinta hawl-galkan, oo Khamiistii lasoo dhaafay ka qabsoomay magaalada New York, ayaa qiray in ciidamo badan oo Afrikaan ah ay naftooda ku waayeen dagaalka ay kula jiraan Mujaahidiinta Al-Shabaab.
Guterres oo aad u calaacalay, rajo la’aanna muujiyey ayaa yiri “Ciidamada AUSSOM waxay ku sugnaayeen goobta dagaalka iyagoon wax gunno ah helin muddo 15 bilood ah…Tani waa mid aan la sii wadi karin. Sidaas darteed ciidan halis ku jira oo naftooda ku biimaynaya Al-Shabaab, saaxiibbo badanna ku waayay dagaalkaasi, in la waydiiysto inay sii shaqeeyaan mushahar la’aan, waa wax aan la aqbali karin.”
Shirkan oo ay isugu yimaadeen Ururrada gaallada ee kala ah Qaramada Midoobay, Midowga Afrika, dawladda Ingiriiska iyo Kooxda riddada ee Villa Somaliya ayaa laga dayriyey masiirka hawl-galkan, waxaanay hoosta ka xariiqeen in goobaha ay haatan kusii sugan yihiin calooshood-u-shaqaystayaasha Afrikaanta, ay halis ugu jiraan inay la wareegaan Mujaahidiinta Al-Shabaab, haddii aan la helin ayay yiraahdeen dhaqaale la isku hallayn karo oo ku filan hawlgakaasi.
Baaqyadaasi laga jeediyey shirka Qaramada Midoobay ayaa u muuqda kuwo kusoo idlaaday fashil, kadib markii la waayay cid ajiibta oo tunka u ridata dhaqaalahaasi, waxaanu António Guterres uu isla goobtaasi kaga dhawaaqay in weli aan la helin heshiis ku saabsan hir-gelinta maal-gelinta AUSSOM, isagoo ku tilmaamay arrintaasi nasiib-darro aad u weyn.
Duullaankan Saliibiga ah oo ku dhawaan 20 sano ka socday dalka Soomaaliya ayaa haatan qarka u saaran burbur iyo kala-carar, xilli geesiyada tawxiidka ee Barig Afrika ay wadaan hawl-gallo aad u xooggan isla marakaana deggaanno ballaaran iyo magaalooyin Istaraatiijiya ay ka taageen Raayada Tawxiidka, kuna soo dabbaaleen ku-dhaqanka Shareecada Islaamka.
About The Author
