Maamulka Riddada ah ee isku magacaabay Puntland ayaa kala diray mid kamida hay’adihiisa ashahaadda ladirirka ah ee ugu dambiyada badan xilli maamulkan uu wajahayo culeyso dhaqaale oo aad uxooggan.
Wareeegto kasoo baxday xafiiska Saciid Cabdullaahi Deni hoggaamiyaha maamulka riddada Puntland ayaa lagu sheegay in lakala diray oo labaabi’iyay waxa loogu yeero maxkamadda darajada 1aad iyo dembiyada culus.
Qoraalka kasoo baxay Deni ayaa lagu sheegay in sababta loo kala diray ay tahay cadaalad darro,musuq maasuq iyo xilgudasho la’aan hareeyay mas’uuliyiinta maxkamadda.
Saciid Deni ayaa sheegay in garsoorayaasha maxkamaddan ay ahaayeen kuwa ku dhaqmayay cadaalad darro islamarkaana ay soo gaareen cabashooyin tirabeel ah oo ku aaddan xukunno ay rideen.
Maxkamad ku sheegtan oo ay maalgelinayeen sirdooonnada shisheeye ayaa marwalba soo saari jirtay xukunno gardarra ah oo farayay in lalaayo maxaabiista ku xiran xabsiyada magaalooyinka Garowe iyo Boosaaso.
Sidoo kale maxkamaddan uu Saciid Deni kala diray ayaa bilihii ugu dambeeyay ridday xukunno murun badan dhaliyay oo ka dhan ah dadka shacabka ah gaar ahaan ganacsatada iyo culimaa’udiinka.
Tan iyo markii uu xilka qabtay Saciid Deni ayuu maxkamaddan ka dhigtay kawaan uu ku gummaado shacabka iyo dadka diidan maamulkiisa, dadka odorosa arrimaha siyaasadda maamulka asha-haadda ladirirka Puntland ayaa aaminsan in tallaabadan uu qaaday hoggaamiyaha maamulka fadhigiisu yahay Garowe uu uga gol-leeyahay sidii uu isaga dejin lahaa cadaadisyada faraha badan ee uga imaanaya qeybaha kala duwan ee bulshada.
Sidoo kale waxaa larumeysanyahay in uu bixin waayay lacagaha tobanaanka kun ee dollar ah ee ku baxa garsoorayaasha murtadiinta maxkamaddan ashahaadda ladirirka ah waxaa kale oo jira warar sheegaya in maleeshiyaadka Mareykanka tababaro ee PSF-ta ay lawareegeen maamulka maxkamadda ayna ku fushadaan danahooda gaarka ah.
About The Author
