Markale maleeshiyaadka Janjawiidka ee daacadda u ah xukuumadda ashahaadda ladirirka Abu Dubai ayaa xasuuq daran ka geystay mid kamida magaalooyinka waaweyn ee dalka Suudaan.
Wararka ka imaanaya galbeedka Suudaan ayaa sheegaya in xasuuq daran uu ka dhacay magaalada Alfaashir oo katirsan gobolka Daarfoor.
Maleeshiyaadka Janjawiidka ee isugu yeera RSF ayaa kumanaan dad shacab ah ku xasuuqay isbitaallo iyo xeryaha barakacayaasha.
Goob joogayaal ayaa sheegay in barkado dhiig ah ay ka qodmeen xaafadaha magaalada,meydadka bani’aadamka ayaa la arkayaa iyadoo ay haaddu cunayso.
Sawirro uu qaaday Dayacgacmeedka ayaa soo muujiyay meydad daadsan banaanka isbitaalka Assacuudi ee magaalada Alfaashir iyo hirar dhiig ah oo qulqulaya waddooyinka magaalada.
Nin dhakhtar ah oo si cajiib ah uga badbaaday xasuuqa ayaa wakaaladaha wararka usheegay in dadka daldalaadda lagu sameeyay ay ka badanyihiin sedax kun welina ay jiraan dad lala’yahay.
Wargeyska Washington Post ayaa helay muuqaallo iyo sawirro muujinaya gummaad daran oo ay geysanayaan maleeshiyaadka daacadda u ah imaaraatka Carabta.
Dayac Gacmeedka ayaa soo muujiyay sawirrro lagu arki akro dhiig qulqulaya gudaha Alfaashir.
“Waxaan indhahayga saaray haadda oo cunaysa meydadka dadka la xasuuqay iyo eeyaha oo feenanaya meydad dhulka daadsan” waxaa sidaas usheegay warbaahinta qof soo badbaaday.
Xasuuqan ayaa imaanaya maalmo kadib markii ay maleeshiyaadka uu Imaaraatku taageero ay ciidamada xukuumadda Suudaan kala wareegeen gacan ku heynta Alfaashir.
About The Author
