Jiha wareer siyaasadeed ayay dhax muquuranayaan madaxda ugu sarraysa kooxda Riddada Soomaaliya waqti uu gabaabsi sii marayo mudda xileedkooda.
Dowladaha reergalbeedka ee sida dadban ugummeysta Soomaaliya ayaa bilaabay in ay cadaadisyo toos ah saaraan hoggaanka kooxda Riddada.
Wasaaradda arrimaha dibadda dowladda saliibiyadda Mareykanka ayaa amarro culus duldhigtay Xasan Gurguurte waxaana lafaray in uu la yimaad qorshe cad oo dhanka siyaasadda ah uuna isku diyaariyo doorasho ay aqbalsanyihiin dhamaan siyaasiyiinta mucaaradka ah.
Digniintan oo Washington ay Xasan Sheekh usoo marsiisay mid kamida taliyaasha sirdoonka dowladaha gaalada geeska Afrika ayaa dhigaysa in wixii ka dambeeya bisha December ee dhammaadkan sanadkan uu madaxweynaha kooxda riddada siyaasad ahaan isku dhiibo haddii uusan sidaas sameyna uu wajahi doono hubanti la’aan.
Mareykanka ayaa farriintiisa digniinta ah ku caddeeyay in ciidamada kufaarta Afrikaanta aan loo heyn dhaqaale dheeraad ah islamarkaana waxbadan isbedeli doonaan haddii Xasan Gurguurte uu kusii adkeysto doorashooyin ku sheegyada halka dhinac ah ee uu abaabulayo sida hadalka loodhigay.
ilo wareedyo ayaa sheegaya in digniintan ay walaac hor leh ku abuurtay hoggaanka kooxda Riddada oo hore uga welwelsanaa khilaafka kala dhaxeeya madasha isku magacaawday Samatabixinta ee fadhigeedu yahay Muqdisho iyo laba kamid ah maamul goboleedyada ashahaadda ladirirada ah.
Dhinaca kale magaalada Nairobi waxaa kusoo gaba gaboobay shirar ay lahaayeen mucaaradka isugu yeeray golaha Samatabixinta,Jubbaland iyo Puntland waxayna ku dhiseen guddiyo farsamo oo soo diyaarinaya gole wadajir ah oo ay ku dhisi doonaan magaalada Garowe kaasi oo cadaadis siyaasadeed saaraya Xamza Barre iyo Xasan Sheekh.
About The Author
