Maleeshiyaad ka tirsan kooxda Riddada Soomaaliya ayaa saacadihii lasoo dhaafay weerar ku qaaday suuqa ganacsiga ee magaalada Baladxaawo, halkaasi oo ay ku sugnaayeen dad shacab ganacsato ah.
Ganacsatada magaalada Baladxaawo ayaa iska diiday lacago baad ah oo ay kusoo rogeen maleeshiyaadka Riddada ee ku sugan magaalada Baladxaawo.
Maleeshiyaadkaan oo ku hubeysnaa gaadiidka dagaalka ayaa weeraray suuqaasi, iyagoona dhaawacyo u geystay dad shacab ah kuwaasi oo ganacsiyo ku heystay suuqaasi.
Ilaa 4 ruux oo shacab ah oo ay qeyb ka ahaayeen dumar ayaa ku dhaawacmay rasaastii ay ridayeen maleeshiyaadka ee weerarka ku qaaday suuqa magaalada Baladxaawo.
Muddooyinkii lasoo dhaafay maleeshiyaadka Riddada ayaa dhibaatooyin ka geysanayey magaalada Baladxaawo, kuwaaso oo ay ku dhibaateeynayaan dadka shacabka muslimiinta ee magaaladaasi ku dhaqan.
About The Author
