Madaxweynaha dalka Jabbuuti ayaa markii 6aad isu soo taagay hoggaanka dalkaas, Geelle oo dalkaas soo hoggaamiyey tan iyo 1999 ayaana wali u taagan madaxtinnimada Jabbuuti.
Ololaha doorashada oo bilaabmay maalintii shalay ahayd ayuu Geelle sheegay in uu yahay adeege bulsho oo markale u taagan sii hoggaaminta Djibouti.
“Adeeggihiinnii baan ahay, waxaan u socdaa inaad ii cusbooneysiisaan ammaanada.” Ayuu yiri Geelle.
Doorashooyinka laga qabto Jabbuuti waxa badanaa gacanta ku haya Wasaaradda Arrimaha Gudaha ee dalkaas.
Geelle ayaa lagu eedeeyaa in uu marwalba isku caano shubo oo aanu qabannin tartan loo dhan yahay.
Si kastaba ha ahaatee waxay doorashadani uga geddisan tahay kuwii hore in uu Geelle beddelay dastuurkii Jabbuuti kaas oo dhigayey in aanu isa soo sharrixi karin mas’uul dhaafey da’da 70 sano.
About The Author
