Kooxda Riddada Soomaaliya, ayaa shaacisay inay maleeshiyadeeda la wareegeen magaalada Baydhaba ee xarunta gobolka Baay, fadhina u ahayd maamulka ashahaada la dirirka ee Lafatagreen.
Kooxda murtad Xassan Gurguurte, waxay sidoo kale sheegtay inay howlgallo ka wadaan gudaha Baydhaba, markii ay magaaladaas ka saareen maleeshiyo daacad u ahaa murtad Laftagareen.
Wararku waxay intaa ku darayaan in ciidanka saliibiyiinta xabashida Itoobiya ee ku sugan magaaladaasi ay gacanta ku hayaan xarunta Madaxtooyada ee looga arrimiyo maamulkaasi iyo garoonka diyaaradaha magaalada Baydhaba, maleeshiyada labada dhinac ayaana loo diiday inay galaan.
Wasiiru-dowlaha wasaaradda arrimaha gudaha kooxda Riddada Soomaaliya, murtad Saadaad Maxamed Nuur, ayaa waraysi uu bixiyay ku sheegay inay la wareegeen inta badan Baydhaba, marka laga reebo madaxtooyada iyo garoonka diyaaradaha oo uu sheegay inay gacanta ku hayaan ciidamada Itoobiya oo aysan geli karin.
Wuxuu intaas ku daray in ciidanka Itoobiya ee gacanta ku haya madaxtooyada, maleeshiyada Riddada ah ku amreen inaysan usoo dhawaan karin goobaha ay ku suganyihiin ciidankooda oo ay ka fogaadaan.
Warar kale, ayaa sheegaya in murtad Cabdicasiis Laftagareen uu goordhow ka baxay garoonka diyaaradaha ee magaalada Baydhaba, markii laga itaal-roonaaday maamulkiisa.
Mucaaradka Riddada, ayaa dhankooda warsaxaafadeed wadajir ah oo ay soo saareen ku cambaareeyay dagaalka uu murtad Xassan Gurguurte ku qaaday maamulka Koonfur-galbeed.
About The Author
