Jabhadda Xoraynta Oromada ee magacooda loosoo gaabyio (OLA) ayaa bayaan ay Jimcihii shalay soo saartay ku sheegtay in ciidanka Xabashida Itoobiya ay duqayn ba’an oo lagu bartilmaameedsaday dad rayid ah ka geysteen degmada Gidh-dhaa Ayyaanaa ee gobolka Oromiya.
OLA waxay ka dhawaajisay in diyaaradaha dagaalka ee maamulka Abiy Axmed, gaar ahaan kuwa aan duuliyaha lahayn ee Drones-ku, ay beegsadeen dad shacab ah oo isugu jira beeraley iyo xoolo-dhaqato, kuwaas oo qaarkood lagu duqeeyey guryihii ay deggenaaayeen.
Inkasta oo jabhadda OLA ay soo bandhigtay sawirro iyo muuqaallo ay ku sheegtay inay yihiin waxyeelladii ka dhashay duqeyntaasi, hadana ma aysan sheegin tirakoob sugan oo muujinaya khasaaraha rasmiga ah ee soo gaaray dadkan rayidka ah.
Jahadda Xoraynta Oromadu, waxay horey dowladda Xabashida Itoobiya ugu eedaysay dilal iyo duqaymo ka dhacay gobolkaasi, halka maamulka saliibiga ah ee Abiy Axmed uu isaga laftarkiisuna jabhaddaasi ku eedeeyey in deggaannadaasi ay ka geysteen falal isugu jira amni-darro iyo dilal qorshaysan.
Maamulka Addis Ababa ilaa hadda dhankiisa kama uusan jawaabin duqayntan la sheegay inay ku bartilmaameedsadeen dadka shacabka ah, waxaanay kusoo aadaysaa xilli maamulka Abiy uu duqaymo noocan oo kale ah ka wado gobolka Amxaarada ee waqooyiga Itoobiya.
About The Author
