Maleeshiyo ka tirsan kuwa Riddada ee ilaaliya xabsiyada murtadiinta ee kuyaal magaalada Muqdisho, ayaa cabasho ka muujiyay mushaar la’aan haysata muddo sannad ka badan.
Saraakiisha iyo maleeshiyadan oo ka tirsan waxay ugu yeeraan Asluubta, ayaa saacado xirtay waddada aadda xabsiga dhexe ee hormarta dekadda magaalada Muqdisho, waxayna taasi keentay hakad ku yimid isku socodka dadka iyo midka gaadiidka.
Marka ay ka hadlayeen dhibaatada haysata ayay sheegeen in muddo sannad iyo bar ah aysan helin wax mushaar ah, taasina ku qasabtay inay jidkan xirtaan oo ay isku socodka xannibaan.
Dhowr saacadood oo ay waddadan muhiimka ah u xirtay maleeshiyada Asluubta kooxda Riddada ee gadoodsan, ayaa waxaa kusoo baxay ciidan kale, kuwaas oo goor dambe furay waddadaasi.
About The Author
