Wararka laga helayo dalka Afghanistan waxey xaqiijinayaan in askar American ah lagu dilay weeraro ka kala dhacay Waqooyga iyo Galbeedka dalkaasi.
Weerarka Kowaad waxey ciidamada Mujaahidiinta Imaarada Islaamiga Afghanistan ku qaadeen saldhig weyn oo ciidamada Nasaarada Mareykanka iyo kuwa maamulka daba dhilifka Kaabul ay ka sameysteen deegaan ka tirsan Gobalka Qunduuz oo dhaca Waqooyga Afghanistan.
Inta la xaqiijiyay weerarkaasi waxaa lagu dilay Saddex Iyo Toban askari oo American ah iyo Soddon iyo Lix askari oo ah maleeshiyaatka maamulka daba dhilifka Ashraf Gani.
Sidoo kale weerarkaasi waxaa lagu dhaawacay inka badan Labaatan askari oo isugu jira daba dhilifka iyo kuwa Mareykanka,weerarka waxaa lagu gubay Shan gaari oo noocyada Gaashaaman ah.
Dhanka kale Weerar madaafiic ah oo lagu qaaday saldhig ciidamada Nasaarada Mareykanka ay ka sameysteen garoonka diyaaradaha gobalka Farah ee Galbeedka dalka Afghanistan ayaa sababay khasaara nafeet iyo mid hantiyadeed oo soo wajahday askarta Mareykanka.
Inta la diiwaan galiyay weerarkaasi madaafiicda ah waxaa lagu dilay Shan askari oo American ah,waxaana lagu dhaawacay saddex kale oo ciidamada Mareykanka ah gaari Taangi ahna waa ku gubtay kaasi oo madfac kula dhacay gudaha garoonka diyaaradaha.
Weeraradan lagu dilay askarta Americanka ah ayaa qeyb ka ah howlgalka Al-mansuuriyah ee sida tooska ah ciidamada Mujaahidiinta Imaarada Islaamiga Afghanistan ay ka wadaan Soddon iyo Afarta Gobal ee uu ka koobanyahay dalka Afghanistan.
Calamada.com
About The Author
