Wararka ka imaanaya deegaanada dhaca duleedka galbeed ee magaalada Muqdisho ayaa sheegaya in ciidamada AMISOM ay dad shacab ah xasuuqeen.
Dadka deegaanka Lafoole ayaa sheegay in ciidamo katirsan dowladda Burundi ay xoog ku galeen mid kamida xaafadaha deegaanka Lafoole halkaas oo ay si bareer ah ugu toogteen dad shacab ah oo aan waxba galabsan.
Warar hordhac ah waxay xaqiijinayaan in ugu yaraan 17 qof shacab ah ay ku dhinteen toogasho toos ah oo ay geysteen ciidamada Burundi oo sida muuqata ka carooday qarax 8 askari looga dilay oo ka dhacay Lafoole.
Dadka ugu badan waxay ku dhinteen Madarasada Alfurqaan oo ciidamada Burundi ay ku dhufteen qoriga RPG-ka loo yaqaan, sidoo kale waxaa jira toogasho ay ciidamada AMISOM ka geysteen wadada laamig ah oo dad shacab ah ay ku dileen.
Xaalad kacsanaan iyo cabsi ayaa ka jirta xaafadaha hoosyimaada Lafoole sida Carbiska, waxaana dadku ay ka baqdin qabaan in Shisheeyaha dad hor leh oo shacab ah ay dilaan.
About The Author
