Wararka ka imaanaya dalka Maali waxey sheegayaan in saacadihii lasoo dhaafay weerar qorsheysan oo ka dhacay deegaan ka tirsan dalka Maali lagu dilay sarkaal sare oo si weyn ula shaqeynayay ciidamada Saliibiyadda Faransiiska ee duulaanka ku jooga dalkaasi.
Sarkaalka weerarkan qorsheysan lagu dilay ayaa lagu magacaabi jiray Cubeydah Ag Maluu oo ahaa sarkaal ku caan baxay xasuuqidda dadka Shacabka Muslimiinta Maali,sidoo kale sarkaalkan waxaa lala dilay tiro askar ah oo ilaaladiisa ka mid ahaa.
Mas,uuliyadda Weerarkan lagu dilay sarkaalkan daba dhilifka u ahaa ciidamada Faransiiska ee duulaanka ku joogo dalka Maali waxaa sheegtay Mujaahidiinta Jamaacada U Gargaaridda Islaamka iyo Muslimiinta ee ka dagaalanta dalka Maali oo ah Jamaaco taabacsan Mujaahidiinta Al-qaacidah ee dhulka Bilaadul Magribil Islaam.
Bayaan kasoo baxay Mujaahidiinta oo ay baahisay Mu’asasada Az-zallaaqah ayaa lagu xusay in weerarka lagu dilay sarkaalkan ay aar gud u tahay dadkii Muslimiinta ee horay uu u laayay,waxaa sidoo kale Bayaanka lagu xaqiijiyay in raggii weerarkan qorsheysan fuliyya iyagoo nabad qabo ay dib usoo laabteen.
Bayaanka Mujaahidiinta kasoo baxay ayaa sidoo kale fariin adag loogu diray ciidamada Saliibiyadda Faransiiska ee duulaanka ku jooga dalka Maali iyo cid kasto oo wada shaqeyn kala dhaxeysa Faransiiska xooga ku jooga dalkaasi.
Calamada.com
About The Author
