Warar dheeraad ah ayaa kasoo baxaya weeraro markale ciidamada Xabashida Itoobiya lagula beegsaday deegaanno katirsan gobolka Baar ee Koonfurta dalka Soomaaliya.
Tobanaan askari Itoobiyaan ah aya dhimasho iyo dhaawac ku noqday weeraro isugu jiray dhabagal iyo qaraxyo oo shalay lagula beegsaday wadada xiriirisa degmooyinka Qansaxdheere iyo Bardaale.
Dagaalyahanada Al Shabaab ayaa shalay 6 qarax ku beegsaday kolonyo ciidamo Xabashi ah oo ka amba baxay degmada Qansaxdheere kunasii jeeday dhanka Bardaale.
Ilo wareedyo ayaa sheegaya in qaraxyadii iyo weeraradii tooska ahaa ee shalay ka dhacay gobolka Bay lagu dilay ugu yaraan 3 askari Itoobiyaan ah 11 kalane ay dhaawacyo soo gaareen.
Diyaarada Helicopter ah oo ka duushay garoonka magaalada Baydhabo ayaa meydad iyo dhaawacyo kasoo daabushay deegaan ku dhow degmada Qansaxdheere, wariye ku sugan gobolka Bay ayaa sheegay in weeraradii shalay lagu dilay mid kamida maleeshiyaadka maamulka Koonfur galbeed oo dhul aqoon ua ahaa Xabashida.
Ciidamada Itoobiyaanka ee shalay lagu weeraray gobolka Bay ayaa isbuucii lasoo dhaafay saad ugelbiyay dhanka Qansaxdheere waxaana muuqata in isbuucii labaad oo xiriir ah ay wajahayaan weeraro lagu dhiig bixinayo.
About The Author
