War rasmi ah oo kasoo baxay safaaradda Maraykanka ee dalka Kenya ayaa digniin loogu diray muwaadiniintooda ku sugan gudaha dalkaasi ka dib cabsi xooggan oo soo wajahday Saliibiyiinta Maraykanka ee ku sugan Somaliya iyo Kenya.
Warkan kasoo baxay safaaradda Maraykanka ee Nayroobi ayaa waxa muwaadininta maraykanka loogu baaqay inaysan u socdaalin dalalka Somaliya iyo Kenya ka dib markii ay korodhay halista waxay ugu yereen weeradada argagixisda oo Mujaahidiinta ay ula jeedaan.
Maraykanka waxa uu sheegay inay ka walaacsan yihiin weerarada Mujahidiinta ee ka dhanka ah dadka Ameerikaanka ah ee ka dhaca dalalka geeska Africa taa oo ku dhalisay inay diginiin hor leh u diraan muwaadininiintooda.
Safaaradda Saliibiyiinta Maraykanka ee Kenya waxay shaqalalaheeda usoo jeedisay inay ka fogaadaan goobaha halista badan sida xeebaha iyo soohdinada u dhaxeeya dalalka Somaliya iyo Kenya taas oo ay ku sheegeen inay kala kulmi karaan khataro amni.
“Sababo la xiriira halista argagixisada awgeed, shaqaalaha dowladda Mareykanka ayaa laga mamnuucay inay u safraan gobollada xudduudda Kenya iyo Soomaaliya iyo meelaha xeebaha qaarkood.” Waxa sidaasi lagu yiri qoraalka kasoo baxay safaarada maraykanka ee dalka kenya.
Hadalkan kasoo yeeray maraykanka ayaa kusoo beegmaya iyadoo dhawaan un ay ahayd markii sidan oo kale Saliibiyiinta Ingiriiska ay digniin ugu direen shaqaalahoda ka howlgala Somaliya, Kaas oo ay muwaadiniintooda ku amreen inaysan u socdaalin Somaliya.
Calamada.com
About The Author
