Ciidamada Xarakada Shabaabul Mujaahidiin waxey saacadihii lasoo dhaafay howlgalo qorsheysan ka kala fuliyeen qeybo ka mid ah wilaayaatka Banaadir iyo Mudug.
Deegaanka Siinka dheer ee duleedka Muqdisho waxey ciidamada Mujaahidiinta qarax la beegsadeen gaari uu lasocday taliye ku xigeenka maleeshiyaatka kooxda Ridada ee deegaankaas.
Qaraxa ayaa lagu dilay Cali Xuseen oo ahaa taliye ku xigeen maleeshiyaatka deegaanka Siinka dheer ee duleedka Xamar waxaa sarkaalkan lala dilay mid ka mid ah ilaaladiisii gaarka aheed.
Sidoo kale waxaa burbur xoogan uu soo gaaray gaariga sarkaalka waxaa dhawaaqa qaraxa si aad ah looga maqlay qeybo ka mid ah duleedka Muqdisho.
Dhanka magaalada Gaalkacyo ee Wilaayada Mudug ee bartamaha dalka Somalia waxey ciidamada Mujaahidiinta howlgal qorsheysan oo ay ka fuliyeen waqooyga magaaladaas ku dhaawaceen askari ka tirsan maleeshiyaatka Ashahaado la dirirka ee isku magacaabay Puntlad.
Askariga weerarkan qorsheysan lagu dhaawacay ayaa lagu magacaabaa Baxnaan Huruse kaasi oo la xaqiijiyay iney xaaladiisa liidato kadib markii dhaawac culus uu soo gaaray.
Weeraradan ayaa kusoo aadaya xilli uu isku day dil uu ka badbaaday madaxweynaha maamulka Ashahaado la dirirka isku magacaabay Galmudug Murtad Qoorqoor kadib markii diyaarad uu la socday duqeyn lagula beegsaday garoonka diyaaradaha magaalada Dhuusa mareeb ee Wilaayada Galgaduud.
Calamada.com
About The Author
