Wararka ka imaanaya magaalada Addi Ababa ee caasimadda dowladda Xabashida Itoobiya waxey sheegayaan in gudaha magaalada uu ka dhacay qarax kaasi oo faahfaahin laga helayo.
Qaraxa waxa uu sigaar ah kaga dhacay Buundo hoosteeda taasi oo ku taala gudaha magaalada Addis Ababa, Iyadoo qaraxa laga maqlay qeybo ka mid ah magaalada.
Afhayeen u hadlay booliska Xabashida Itoobiya ayaa qiray in qarax uu ka dhacay Addis ababa waxa uuna sheegay in hal qof uu ku dhaawacmay qaraxa ka dhacay buundo hoosteeda.
Sarkaalka u hadlay booliska Xabashida Itoobiya ma uusan xusin in qaraxan uu xiriir la leeyahay dagaalka ka socda gudaha Itoobiya iyo inkale
Dhanka kale waxey dowladda Xabashida Itoobiya Xabsiga dhigtay Labo wariye oo ay ku eedeysay in ay ku xad gudbeen nidaamka Saxaafadda taasi oo ay ula jeedaan iney hareer mareen danaha dowladda Abey Axmed warar xaqiiqo ahne ay ka baahiyeen dagaalka culus ee u dhaxeeya dowladda Federaalka ee Xabashida Itoobiya iyo maamul gobaleedka Xabashida ee Tigrey.
Qaraxan ka dhacay Addis Ababa ayaa kusoo aadaya xilli Todobaadkii Labaad si xiriir ah gudaha dalka Itoobiya kaga socda dagaalka culus ee u dhaxeeya dowladda Federaalka Xabashida Itoobiya iyo Maamulka Tigrey.
Labada dhinac ayaa guulo ka kala sheegtay dagaalka socda ee galay isbuucii labaad, Waxaa gudaha dalka Suugaan oo dirir la ah dalka Itoobiya gaaray Kumanaan barakacayaal Itoobiyaan ah oo ka qaxay dagaalka ka socda gudaha Itoobiya.
Calamada.com
About The Author
