Ciidamada mujaahidiinta imaarada islaamiga Afganistaan ayaa markale weeraro ku qaaday saldhigyo ciidan oo maleeshiyaadka xukuumadda Ridada Kaabul ay kaga sugnaayeen deegaamo dhaca koonfurta iyo waqooyiga waddanka Afghanistan.
Dagaalyahanno jihaadiyiin ah oo taabacsan Imaarada Islaamiga ah ayaa weerar si wayn loo qorsheeyay ku qaaday saldhig millatari oo ciidamada xukuumadda Ashraf ghani ka samaysteen degmada Imaam saaxib ee gobolka Qunduuz ee waqooyiga Afghanistan.
Warbaahinta imaarada Islaamiga ayaa xaqiijisay in weerarka ka dhacay waqooyiga dalkaasi lagu dilay 17 askari iyo dhaawaca 10 kale oo dhammaantood ka mid ahaa maleeshiyadii Ashraf ee ku sugnaa saldhigga la hujuumay, waxaana sida oo kale warka Imaarada lagu sugay in dagaalka lagu gubay 4 gaari, halka nolosha lagu qabtay 4 askari.
Dhanka koonfurtana waxaa ka dhacay weerar culus oo lagu beegsaday maleeshiyaad ka tirsan kuwa Kaabul oo ku sugnaa degmada Nawah ee dhacda gobolka Helmand ee koonfurta dalkaasi.
Dagaal xooggan oo khasaare badan dhaliyay ayaa lasoo wariyay in uu degmada Nawah ku dhexmaray ciidamada Mujaahidiinta iyo maleeshiyaadka Ridada Kaabul halkaas oo askar badan looga laayay kuwa Ridada Kaabul.
Inta la xaqiijiyay 21 akkari oo maleeshiyaadka Ashraf Gahani ah ayaa lagu dilay dagaalka iyo dhaawaca 13 kale, 8 ka mida gaadiidka dagaalkana waxyeello culus ayaa la gaarsiiyay, sida lagu sheegay war kasoo baxay Imaarada Islaamiga ah ee Afghanistan.
Calamada.com
About The Author
