Sarkaal katirsanaa maamulka Hirshabelle ayaa ku dhintay weerar ka dhacay gudaha magaalada Beled Weyne ee xarunta gobolka Hiiraan.
Sida ay wararku sheegayaan qarax ayaa lagu weeraray isku imaatin ay maleeshiyaad hubaysan uga sugnaayeen meel ku dhow saldhigga ciidamada Jabuuti ee gobolka Hiiraan.
ilo wareedyo ayaa sheegaya in qaraxa uu ku dhintay sarkaal caan ka ahaa gobolka Hiiraan kaasi oo lagu magacaabi jiray Cabdi Biloow Faarax balse ku magac dheeraa (Uuloow Dhuxuloow).
Sidoo kale weerar culus ayaa xalay saqdii dhexe markale lagu miray saldhigga ciidamada Xabashida Itoobiya ay ku leeyihiin deegaanka Halgan ee gobolka Hiiraan.
Dadka deegaanka waxay sheegeen in ay maqlayeen hugunka rasaas iyo madaafiic ay labada dhinac isweydaarsanayeen.
dhinaca kale ugu yaraan hal askari ayaa dhintay 2 kalane dhaawac ayaa soo gaaray kadib markii ay ciidamada wilaayada Islaamiga Jubbooyinka weerar ku qaadeen ciidamo ku sugan deegaanka Baarn Sanguuni ee duleedka magaalada Kismaayo.
About The Author
