Wararka ka imaanaya gobolka Baay ayaa sheegaya in weerar madaafiic ah lagu qaaday garoonka diyaaradaha degmada Diinsoor halkaas oo ah meesha kaliya ee ay sahayda kalasoo degaan ciidamada huwanta ah ee magaaladaasi ku sugan.
Sida wararku sheegayaan dagaalyahannada Al Shabaab ayaa qoriga lidka diyaaradaha ee Zuugga loo yaqaan ku weeraray sedax diyaaradood oo saad usiday ciidamada Itoobiya iyo maleeshiyaadka maamulka isku magacaabay Koonfur Galbeed.
ilo wareedyo ayaa sheegaya in mid kamida diyaaradaha oo isku dayaysay in ay garoonka Diinsoor soo caga dhigato ay halis lakulantay kadibna ay dib ugu laabatay magaalada Muqdisho.
Jugta gantaallada lidka diyaaradaha oo lagu weerarayay garoonka Diinsoor ayaa laga maqlayay deegaanno katirsan gobolka Baay, wararka ayaa intaas ku daraya in diyaaradda halista gashay laga lahaa dalka Turkiga waxaana gabi ahaanba hakaday diyaaradihii ku wajahnaa Diinsoor.
Mujaahidiinta Al Shabaab ayaa go’doomin adag kusoo rogay inta badan degmooyinka gobollada Bay iyo Bakool ee kujira gacanta ciidanka Xabashida Itoobiya, xoogaga jihaadiga ah ayaa jaray dhammaan waddooyinka soo gala Diinsoor waxaana muuqata in isku gudbinta dhanka sahayda ee cirka ay hadda halis hor leh soo wajahayso.
About The Author
