Faahfaahinno dheeraad ah ayaa kasoo baxaya weerarkii cagmarinta ee ciidamada mujaahidiintu ku beegsadeen xero ciidan oo maleeshiyaadka Riddada (Gorgor) ay ku leeyihiin deegaanka “Warta Dibi Samatar” ee duleedka magaalada Masaajid Cali Gaduud ee wilaayada Sh/dhexe.
Khasaaraha dhimashada ee maleeshiyaadka murtadiinta soo gaaray wuxuu gaaray 30 dhimasho ah, waxaana sidoo kale dagaalkaasi lagu qabtay tiro maxaabiis murtadiin ah kuwaas oo hadda gacanta ugu jira ciidanka mujaahidiinta, sidoo kale waxay ciidamada mujaahidiintu weerarkaasi kusoo qaniimeysteen 15 qori oo AK47 ah, 3 qori PKM ah.
Dhanka kale, dagaal lagu jabiyey maleeshiyaadka murtadiinta ayaa goordhow ka dhacay deegaanka “Nuur-Gaab” ee dhaca duleedka degmada Cadale, waxaana dagaalkaasi lagu dilay 4 askari oo murtadiin ah oo ay maydadkooda uga carareen goobta dagaalka.
Dhanka kale, waxaa sii kordhay weerarkii kamiinka ee saaka ka dhacay deegaanka Hareeri-caadle ee kuyaal inta u dhaxayso Muqdisho iyo Balcad, halkaas oo lagu beegsaday maleeshiyo murtadiin ah oo kasoo kala baxay Muqdisho iyo Balcad, dhimashadu waxay gaartay lix askari, halka dhaawacana uu gaaray 12 kale, waxay sidoo kale ciidamada mujaahidiintu soo qaniimeysteen laba qori oo PKM ah, iyo qori RPG ah, iyo dhowr qori oo AK47 ah oo laga soo furtay murtadiinta.
About The Author
