Inka badan 4.5 milyan oo qof ayaa la xaqiijiyay inay ku barakaceen colaadda hadda ka taagan dalka Itoobiya ee dhaca bariga qaarada Africa, kuwaas oo ka guuray miyi iyo magaalo, sida lagu sheegay warbixin ay soo saartay hayada urur gaaleedka QM u qaabilsan arimaha bani’aanimada.
Dadka barakacayaasha ah ayaa warbixinta lagu sheegay in intooda badan ay yihiin kuwa ka barakacay dhulka Soomaali-galbeed ee gumeysiga xabashida ku hoos jira, ismaamullada Oromia iyo Tigrayga, sida ay sheegtay hayadda UNOCHA ee raacsan urur gaaleedka qaramada midoobay.
Warbixinta hayada ayaa muujineysa in barakaca ugu badan uu ka dhashay colaado, kaas oo gaaray heerkii ugu sarreeyey tan iyo 2021-kii, warbixintu waxay sheegtay in 56 boqolkiiba dadka colaadda Itoobiya ku barokacay ay barokaceen in ka badan hal sano, halka 23 boqolkiiba ay barakaceen muddo labo ilaa laba sano gudood ah.
“Si kastaba ha ahaatee, barakaca ka socda dhowr gobol awgeed, tirada barakacayaasha maanta waa 4.5 milyan,” waxaa sidaas lagu yiri nuqul ka mid ah warbixinta hayad gaaleedka.
Dalka Itoobiya, ayaa sanadadihii u dambeeyay la kulmay aafooyin soo noqnoqday oo ay ka mid yihiin colaadda u dhaxaysa dowladda Itoobiya iyo ismaamullo kasoo horjeeda dowladda, iyo masiibooyinka dabiiciga ah, oo ay ka mid yihiin rabshadaha ka dhexeeya beelaha.
About The Author
