Ciidan sahyuuniyadda Yahuudda ayaa wali sii wada duqeymaha laayaanka ah ee ay ka geysanayaan magaalada Qaza ee dhulalka Falasdiin.
Duqeyn saaka aroortii lagu qaaday galbeedka magaalada Qaza waxaa ku shahiiday 10 ruux oo ubadan haween iyo carruur.
Saraakiisha caafimaadka magaalada ayaa sheegay in duqeyntu ay haleeshay xeryo ay deganaayeen dadka soo barakacay, dadka dhintay 2 kamid ah waa haween da’a ah.
Sidoo kale ciidamada Yahuudda oo wata gaadiidka gaashaaman ayaa madaafiic ku weeraray xaafado dhanka bari uga beeggan magaalada Qaza.
Dhinaca kale xoogaga muqaawamada Falasdiin ayaa dhankooda sawaariikhda ridada fog ku beegsanaya magaalooyinka waaweyn ee Yahuudu maamusho.
Ciziduun Al Qassaam oo ah garabka melleteri ee Xamaas iyo Saraayal Qudus ayaa labaduba sheegay in ay tobanaan saaruukh ku weerareen magaalooyinka Casqalaan iyo Tal’abiib.
illaa 139 ruux oo 22 kamid ah ay carruur yihiin ayaa ku shahiiday duqeymaha bahalnimada ah ee Yahuuddu ka waddo Qaza lagasoo bilaabo dabayaaqadii Bishii Ramadaan ee lasoo dhaafay.
About The Author
