Khasaare lixaad leh ayaa maleeshiyaadka maamulka ashahaada la dirirka ah ee isku magacaabay Jubbaland kasoo gaaray weerar kammiin ah oo ciidamada shabaabul Mujaahidiin ugu dhigeen duleedka deegaanka Jaziiradda Kudhaa ee wilaayada Jubbooyinka.
Weerarkan waxa uu ka dambeeyay ka dib markii xalay ciidamo ka tirsan xarakada Mujaahidiinta Al-shabaab ay weeraro qorsheysan ku qaadeen saraakiil ka tirsan maamulka Jubbaland oo lagu kala magacaabo Sheekeeye iyo Ina danuun, xilli ay fariisin kaga sugnaayeen deegaanka jaziiradda Kudhaa.
Ilo wareedyo masuul ah waxay xaqiijinayaan in ujeedka weerarka uu ahaa in lagu khaarajiyo labada sarkaal ee kor ku xusan, balse lama oga inay weerarkaas ku dhinteen amaba ku dhaawacmeen.
Weerarkaas qorsheysan ka dib, maleeshiyaad murtadiin ah oo kasoo baxay saldhigga ay kaga suganyihiin Jaziirada Kudhaa ayaa kusoo dhacay weerar jidgal ah oo duleedka deegaankaas ay ugu diyaariyeen ciidamada Mujaahidiinta, waxaana kammiinkaas dhimasho iyo dhaawac ku noqday ku dhowaad 20 askari.
Inta la ogyahay waxaa weerarkaas jidgalka lagu dilay 8 askari oo ka tirsanaa maleeshiyaadka maamulka Ridada ah ee Jubbaland iyo dhaawaca10 kale.
Ciidanka Mujaahidiinta waxay howlgalkaas ku ghaniimeysteen 6 qori oo goobihii lagu dagaallamay ay kaga carareen maleeshiyada maamulka Ridada ah ee Jubbaland.
Weerarkan kammiinka ah ee ka dhacay duleedka Jaziiradda Kudhaa waxa uu kusoo beegmayaa xilli xalay ciidanka shabaabul Mujaahidiin ay weerar qorsheysan ku qaadeen goob fariisin ah oo deegaankaas ay kaga sugnaayeen saraakiil ka tirsan maamulka Jubblabd, kaas oo dhaliyay khasaare kala duwan.
Halkan Kaga Biir Boggeenna Cusub Ee Telegram-ka.
Calamada.com
About The Author
