Ciidamada shabaabul Mujaahidiin gaar ahaan guutada qaraxyada waxay qarax xooggan la beegsadeen shaqaalaha dowlada Kenya u qaabilsan dhismaha darbiga oo ku socdaalayay xad beenaadka ay Kenya la wadaagto dalka Soomaaliya.
Qaraxa oo ahaa mid xooggan si wanaagsana loo diyaariyay waxa uu haleelay gaari nooca ay Soomaalidu u taqaan Dheyno, Xilli uu ku socdaalayay agagaarka deegaanka Raas-kambooni oo dhaca soohdin beenaadka ay wilaayada Jubbooyinku la wadaagto dalka Kenya.
Ilo wareedyo muhiim ah oo ka agdhowaa goobta uu qaraxaasi ka dhacay waxay sheegeen in qaraxan oo lala eegtay shaqaalaha dowladda Kenya u qaabilsan dhismaha darbiga uu gaystay khasaare lixaad leh oo shaqaalaha soo gaaray.
Waxay wararku tilmaamayaan in qaxa uu gabi ahaan burburiyay gaariga iyo dhammaan xubnihii la socday ee dowladda Kenya u qaabilsanaa dhismaha darbiga ay ka dhisayso xad beenaadka ay la wadaagto Soomaaliya.
Qaraxan ka dhacay duleedka deegaanka Raas-kambooni waxa uu kusoo beegmayaa xilli ay shabaabul Mujaahidiin sii kordhisay howlgallada ka dhanka ah dowladda Kenya gaar ahaan kuwa ay ku beegsanayso shaqaalaha Kenya ee dhul ballaarsiga ka wado soohdin beenaadka ay wadaagaan Soomaaliya iyo Kenya.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
