Warar dheeraad ah waxay kasoo baxayaan qaraxyo xooggan oo saacadihii lasoo dhaafay ciidamada shisheeyaha lagula eegtay deegaanno ka tirsan wilaayada shabeellada hoose ee koonfurta Soomaaliya.
Qaraxyada oo gaarayay illaa 2 qarax waxay ciidamada Mujaahidiintu la beegsadeen kolonyo ka tirsan ciidamada kuffaarta Afrikaanta gaar ahaan kuwa Yugaandha xilli ay ku socdaalayeen inta u dhaxaysa degaannada Danow iyo Shanlanbood ee Sh/hoose.
Qaraxa koowaad waxa uu haleelay gaari Tow ah oo ka mid ahaa kolonyada ciidamada Yuganadha waxayna ilo wareedyo muhiim ah sheegayaan in qaraxaas uu dhaliyay khasaare kala duwan.
Qaraxa labaad waxay Mujaahidiintu la beegsadeen ciidamo lug ah oo ka dagay gaadiidka kolonyada la qarxiyay waxaana halkaas ka dhashay khasaare dhimasho iyo mid dhaawac.
“Qaraxyadan barakaysan waxa dhimasho iyo dhaawac ku noqday 7 askari oo ka tirsan ciidamada kuffaarta Yugandha 2 ka mid ah waa dhimasho halka 5-ta kalena ay dhaawacyo kala duwan soo gaareen” waxaa sidaas baahisay Idaacadda Al-andalus.
Qaraxyadan ka dhacay wilaayada shabeellada hoose waxay qayb ka noqonayaan howlgallada kala duwan ee ciidamada shabaabul Mujaahidiin ka wadaan gobollada dalka Soomaaliya.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
