Ciidamada xarakada shabaabul Mujaahidiin waxay weerar aad u xooggan oo jidgal ah u dhigeen ciidamo ka tirsan shisheeyaha xilli ay ku socdaalayeen qaybo ka mid ah wilaayada Sh/hoose.
Dagaal culus oo u dhaxeeyay ciidamada shabaabul Mujaahidiin iyo kuwa Afrikaanta ayaa ka dhacay inta u dhaxaysa degaannada Danow iyo Golweyn ka dib markii Afrikaanta halkaas loogu dhigay weerar kammiin ah.
Ilo wareedyo muhiim ah oo ka agdhow dhacdada waxay tabiyeen in weerarka oo ahaa mid ay si wanaagsan u dajiyeen ciidamada shabaabul Mujaahidiin si xun loogu jabiyay ciidamada kuffaarta afrikaanta khasaare culusna la gaarsiiyay.
Ugu yaraan 9 askari oo ka tirsanaa ciidamada kuffaarta waxay ku dhinteen dagaalladii maanta ka dhacay inta u dhaxaysa Golweyn iyo Danow halka gaari Tow ahna lagu burburiyay weerarka.
Ilo wareedyadu waxay sidoo kale intaas ku darayaan in dagaalka ka dib goobihii lagu dagaallamay ay soo caga dhigteen 2 diyaarad oo nooca Hellecopterka kuwaas oo goobta ka daabulay askarta dhimashada iyo dhaawacyada ku noqday weerarka.
Dadka deegaanku waxay wariyeen in dhulka Howdka ay ku arkeen 2 askari oo ka tirsan ciidamada kuffaarta Yugaandha kuwaas oo anfariir ka qaaday weerarkii maanta ku qabsaday inta u dhaxaysa deegaannada Danow iyo Golweyn ee wilaayada shabeellada hoose.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
