Ciidamada shabaabul Mujaahidiin ee ka howlgala wilaayaadka dalka Soomaaliya waxay saacadihii lasoo dhaafay weeraro khaarajin ah iyo kuwa toos ah ka fuliyeen deegaanno dhaca koonfurta dalka Soomaaliya.
Howlgalka hore oo ahaa mid khaarajin ah waxay Mujaahidiintu ka fuliyeen xaafadda Xoosh degmada Dheerkeynley ee magaalada Muqdisho waxayna ku dileen sarkaal xigeen minishiibyada dowladda Ridada ah kaas oo lagu magacaabi jiray Abukar Cali Xuseen.
Howlgalka labaad waxa uu ahaa dagaal toos ah waxayna Mujaahidiintu ku qaadeen maleeshiyaad murtadiinta oo waddo falis ka waday inta u dhaxaysa deegaannada Baarsanguuni iyo halka loo yaqaan dhul beeraha oo dhaca duleedka magaalada Kismaayo.
Dagaalkan oo ahaa mid si wanaagsan loo ageedimay waxay Mujaahidiintu ku kala eryeen maleeshiyaadkaas waxaana lasoo wariyay in uu jiro khasaare dhimasho iyo mid dhaawac oo maleeshiyaadka maamulka Jubbaland lagu gaarsiiyay dagaalka.
Dhanka wilaayada Bay iyo Bakool waxay ciidamada shabaabul Mujaahidiin dagaal culus oo toos ah ku qaadeen fariisinka maleeshiyaadka maamulka isku magacaabay Koonfur galbeed ay ka samaysteen halka loo yaqaan isku darka oo kutaal duleedka magaalada Baydhaba.
Ilowareedyo xog ogaal ah waxay xaqiijiyeen in dagaalkaas khasaare xooggan lagu gaarsiiyay ciidanka maamulka Ridada Koonfur galbeed inkastoo aan wali tiro rasmi ah la helin.
Warar kale oo naga soo gaaraya duleedka magaalada Baydhaba waxay sheegayaan in maleeshiyaad murtadiin ah oo ku jiray biyo dhaamin uu gaari iska roge ah kula rogmaday inta u dhaxaysa Daynuunay iyo magaalada Baydhaba.
Shan askari oo ka tirsan maleeshiyaadka ayay xogihii ugu dambeeyay sheegayaan in ay ku dhaawacmeen shilka ka dhacay duleedka magaalada Baydhaba.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
