Dhulka Afghanistan oo ah hooyada Jihaadka carsigan waxa uu 20 sanno ka dib todobbaadkan xaqiijiyay guul taariikhi ah oo Allah ka dib ay soo dhiciyeen dagaalyahannada Imaarada islaamiga iyo shacabkooda dulmi diidka ah.
Siyaasiyiin badan oo ay calmaaniyaddu madax martay waxay iska dhaadhiciyeen in dalka Afghanistan uu noqon doono dal isku roga qalalqaase, fowdo iyo nidaam xummo baahsan mar haddiiba xididdada loo siibay gumeystihii uu Maraykanku hor boodayay ee kusoo duulay dhulka Afghanistan.
Balse waxay is moodsiiyeen in dalka Afghanistan uu 20 sanno ka dib soo celiyay nidaamkii islaamiga ahaa ee ka jiray guud ahaan waddanka, kaas oo uu gacantiisa ku burburiyay Maraykanka 20 sanno ka hor markii isaga iyo xulafadiisu ay duullaan aan kooda ahayn kusoo qaadeen dalka Afghanistan balse wixii ka raacay ay taariikhdu maalin dhow diiwaan galisay.
Dalka Afghanistan habeenkii afaraad waxaa uu hoos harsanayaa harka shareecada calankii Daaghuudka ahaa ee uu gumeystuhu astaanta uga dhigay dalka ayaa meesha laga saaray waxaana si dhab ah usoo noqday nimaamkii islaamiga iyo kala dambayntii bulshada.
Warbaahintu waxay 20 sannood ka dib dalka Afghanistaan kasoo tabinaysaa muuqaal ka duwan muuqaalkii hore waxaa dalka oo dhan wada camamiyay astaanta towxiidka oo ah kan rasmiga ah ee ka tarjumaya jiritaanka umadeed ee islaamka.
Muuqaallada ay soo tabinayaan warbaahinta ee aad dadka usoo jiitay waxaa ka mid ahaa in haweenay muslimad ah oo niqaaban ay dareen farxadeed ku cabirtay 20 sannooda ka dib isbadallada muuqda ee ay gashay Afghanistan maalmo uun ka dib markii ay imaaradu la wareegtay waddanka.
haweenaydan waxay tiri ” Nidmaanka hadda ka jira dalka waa mid %/100 aan ku qanacsanahay, Amniga ayaa soo hagaagay, tuugadii wax dhici jirtay ayaa la waayay, xaaladdu waa mid caadi ah, waan ka nasanay dimuqraadiyadii ku caan baxday xatooyada iyo dhaca hantida dadwaynaha, aad baan u raaxaysannay, xilligaan doonno ayaan aadi karnaa suuqyada, dhammaan waaxyaha dowladda iyo cisbitaallada waa furanyihiin ,”. sidaas waxaa tiri mid ka mid ah haweenka reer Kaabul.
Halkan Ka Daawo Muuqaallada Isbadalka.
Maamulka islaamiga waxa uu durba billaabay kulamo gaar gaar ah oo uu la yeelanayo hormuudka umadda reer Afghaanistaan si dadkii shareecada ka oomnaa 20-kii sanno ee lasoo dhaafay ay u gurtaan miraha jihaad iyo istish-haadka dhalintooda taas oo ah in dalka lagu soo dabaalo ku dhaqanka shareecada islaamka loona horumariyo adeegyada bulsho.
Imaaradu waxay kulan gaar ah la qaadatay bahda caafimadka ee Kaabul waxayna masuuliyiinta imaaradu waaxyaha caafimaadka ku tartarsiyeen inay howlahooda shaqo si caadi ah u gutaan si loo sii amba qaado horumarrada uu ku dhaqaaqayo waddanka.
Dhinaca kale Shiikh Dabiixullaahi Mujaahid afhayeenka rasmiga ah ee Imaarada islaamiga Afghanitan ayaa markii ugu horreysay warbaahinta kasoo muuqday. ka dib shir jaraa’id oo ay ku qabteen magaalada Kaabul.
Shiikha waxaa uu Allaah uga mahadceliyay in 20 sanno ka dib uu Allaah gaarsiiyay inay raayada rasuulka Allaah SCW ka dul suraan magaalada Kaabul ka dib jihaad iyo istish-haad badan oo ay usoo bixiyeen si dalka Afghanistan loogu soo dabaablo shareecada islaamka.
Shiikh Dabiixullaahi Mujaahid waxa uu sheegay in Mujaahidiintu ay cafis guud u fidiyeen ciidamadii iyo shaqaalihii xukuumaddii gabalkeedu dhacay ee Kaabul isagoona dhanka kale haweenka reer Afghanistan u ballan qaaday inay heli doonaan xuquuqda ay siisay shareecada islaamka.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
