Macluumaad dheeraad ah waxay kasoo baxayaan shil gaari oo saacadihii lasoo dhaafay ka dhacay deegaan hoos taga degmada Maxaas ee wilaayada Hiiraan, shilkaas oo gaystay khasaare kala duwan oo isugu iira dhimasho iyo dhaawac intuba.
Wararka naga soo gaaraya wilaayada Hiiraan waxay sheegayaan in shilka uu ka dhashay ka dib markii uu si kadis ah u rogmaday gaari ay la socdeen dad rakaab ah oo noociisa lagu sheegay dhaynada kaas oo kasoo ambaba baxay magaalada Beledweyne kuna sii jeeday deegaan hoos taga degmada Maxaas.
Ilo wareedyo muhiim ah oo ku sugan goobta uu shilku ka dhacay waxay sheegeen in shilka uu si gaar ah kaga dhacay deegaan lagu magacaabo Raqsa oo hoos taga degmada Maxaas waxaana shilka ku dhintay ugu yaraan 3 ruux oo shacab ah halka 4 kalena ay ku dhaawacmeen.
Qaar ka mid ah ehellada dadkii ku dhintay shilka oo aanu la xiriirnay waxay noo sheegeen in gaariga xilli saqbar ah rakaabka kula rogmaday deegaanka Raqsa waxayna sheegeen inay aaseen maydadka dadkii ku dhinta shilkaaas.
Gobolka Hiiraan ee dhaca bartamaha dalka Soomaaliya waxa uu ka mid yahay gobollada waddanka ee ay ka dhacaan shilalka gaadiidka kuwaas oo badanaa loo aaneeyo darawallada oo xawaare aad u sarreeya ku kaxeeya gaadiidka iyo in aanay darawalladu masuuliyad sidaas u buuran iska saarin rakaab ka ay sidaan.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
