Ciidamada xarakada shabaabul Mujaahidiin ee ka howlgala wilaayada Banaadir waxay saacadihii lasoo dhaafay weeraro qaraxyo iyo kuwa toos ahba ku qaadeen fariisimo iyo saldhigyo ciidamada dowladda federaalka ay ka samaysteen magaalada Muqdisho ee caasimadda Soomaaliya.
Weerarka koowaad oo ahaa mid qarax ah waxay Mujaahidiintu ka fuliyeen degmada Xamar Jajab ee magaalada Muqdisho waxaana uu si gaar ah kaga dhacay fariisinka laga ilaaliyo Teendhada Afisyooni ee magaalada Muqdisho.
Ilo wareedyo waxay xaqiijiyeen in qaraxa uu gaystay khasaare nafeed iyo mid maaliyadeed intuba balse lama soo warin numberka saxda ah ee khasaaraha qaraxan kasoo gaaray maleeshiyaadka dowaldda federaalka.
Ciidamada Mujaahidiintu waxay qarax labaad oo barakaysan la eegteen fariisin ay degmada Deyniile kaga sugnaayeen ciidamada dowladda, howlgalkan qaraxa ah ayaa si gaara kaga dhacay agagaarka jaamacadda Gaheer gaar ahaan dhanka degmada Deyniile, waxaa la wariyay khasaare kala duwan oo soo gaaray maleeshiyaadka dowaldda.
Dhinaca kale ciidamo aad u hubeysan oo ka tirsan xarakada shabaabul Mujaahidiin waxay saacadihii lasoo dhaafay weerar dhabbo gal ah u dhigeen maleeshiyaad murtadiin ah oo ka baxay magaalada Muqdisho kuna sii jeeday deegaanka Ceelasha biyaha.
Ilo wareedyo masuul ah waxay soo wariyeen in weerarka jidgalka ah uu u dhacay sidii loo qorsheeyay ayna dabinka kusoo dhaceen ciidamada dowladda balse lama soo warin wax khasaare nafeed ah oo weerarkaas ka dhashay waxaase jira khasaare maaliyadeed ah oo soo gaaray ciidamada dowladda.
Dhanka deegaanka Ceelasha biyaha ee duleedka magaalada Muqdisho waxay Mujaahidiintu duqayn xooggan la beegsadeen fariisin wayn oo maleeshiyaadka murtadiinta ay kaga sugnaayeen degaanka ceelasha waxaana madaafiicda Mujaahidiinta ku dhaawacmay illaa 3 askari oo midi uu yahay sarkaal 2 xidigle ah oo lagu magacaabo Cabdikaafi.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
