Maleeshiyaad ka tirsan maamulka Jubbaland waxay gabaldhicii maanta la kulmeen weerar qarax ah oo ciidamada Shabaabul Mujaahidiin kula beegsadeen duleedka magaalada Kismaayo kaas oo khasaare baaxad leh lagu gaarsiiyay ciidamada maamulka Jubbaland.
Qaraxa oo ahaa mid jugtiisa si wayn looga maqlay deegaannada ku dhow dhow degmada Kismaayo waxay Mujaahidiintu la beegsadeen gaari ciidan oo ay ka buuxeen maleeshiyaad ka tirsan maamulka fadhigiisu yahay magaalada Kismaayo.
Ilo xog-ogaal ah waxay soo wariyeen in qaraxa oo ahaa mid culus uu si gaar ah kaga dhacay inta u dhaxaysa deegaanka Cabdalla Biroole iyo magaalada Kismaayo waxaana halkaas dhimasho iyo dhaawac ku noqday 10 askari oo ka tirsan maleeshiyaadka muratdiinta.
Idaacadda islaamiga ah ee Al-andalus waxay baahisay in qaraxaas ay ku dhinteen 6 askari oo ka mid ahaa maleeshiyaadka Ridada halka 4 kalena ay ku dhaawacmeen kuwaas oo dhaawacyadodoa loola cararay cisbitaallada magaalada Kismaayo.
Ilo wareedyo muhiim ah waxay sheegayaan in askarta dhaawacantay uu ku jiro sarkaal taliye Horin ah oo lagu magacaabo Xuseen Daahir Maxamed oo loo garan ogyahay (Caga-weyne) kaas oo la socday gaariga la qarxiyay.
Qaraxan ay ku le’deen maleeshiyaadka maamulka ashahaada la dirirka ee Jubbaland waxa uu kusoo beegmayaa xilli ciidamada shabaabul Mujaahidiin ay sii kordhiyeen howgalladooda jihaadiga ah ee ka dhanka ah maamulka fadhiidka ah ee Axmed Madoobe.
Halkan Kala Soco Wararka Deg Dega Ah Ee Website-ka Calamada.
Calamada.com
About The Author
