Wararka ka imaanaya dalka Kenya ayaa sheegaya in markale weerar culus lagu qaaday askar iyo garsoorayaal Kenyaan ah xilli ay ku sugnaayeen gobolka Lamu.
Saraakiisha booliska dowladda Kenya ayaa sheegay in xoogag jihaadi ah ay weerar dhabbagal ah ka fuliyeen deegaan katirsan gobolka xeebta kulaala ee Lamu.
Weerarka oo ahaa mid jidgal ah ayaa ka dhacay wadada laamiga ah ee xiriirisa deegaannada Lango iyo Simba, sida ay boolisku sheegeen waxaa weerarka ku dhaawacmay 3 katirsan garsoorayaasha dowladda Kenya iyo 2 sarkaal oo katirsan booliska.
War rasmi ah oo kasoo baxay Xarakada Mujaahidiinta Al Shabaab ayaa lagu sheegay in weerarkan cusub ee Lamu ka dhacay lagu dhaawacay illaa 6 qof Kenyaan ah kuwaas oo isugu jira askar iyo garsoorayaal.
About The Author
