Waxaa weli socdo duullaankii ay ciidamada Xarakada Al Shabaab ku qaadeen Hoteelka Xayaat ee nawaaxiga garoonka diyaaradaha Muqdisho. Dagaalka oo galay maalinkii saddexaad ayay ciidamada DF waxay ku guul daraysteen inay foodda geliyaan hoteelka, halkaas oo ay difaacyo ka samaysteen ciidamada Al Shabaab.
Dhanka kale, xogo dhanka amniga ah ayaa xaqiijinaya in qaar kamid ah ciidamadii Al Shabaab ee dagaalka ka waday gudaha Hoteel Xayaat ay si nabad ah uga soo bexeen dhismaha iyagoo badqaba, halka qaar kalena ay weli halkaas ka dagaalamayaan.
Sarkaal ka tirsan jihaazka Amniga Xarakada Al Shabaab oo la hadlay Shabakada Wararka SomaliMeMo ayaa sheegay in tiro ka mid ah ciidamadii Shabaabka ee ka dagaalamayay Xayaat ay saacadihii lasoo dhaafay kasoo degeen hoteelka, hadana ay ku suganyihiin goobo aamin ah oo loo sii diyaariyay.
“Qorshaha dagaal ee aan degnay dhawr weji ayuu lahaa. Weji kamid ah wuxuu ahaa inaan ciidamo gelino gudaha hoteelka, halkaas ay muddo dheer ka dagaalamaan, cadawgana khasaare xooggan gaarsiiyaan, kadibna tiro kamid ah ciidamadaas aan dib uga soo saarno hoteelka, halka qaar kale ay sii wadayaan dagaalka” Ayuu yiri sarkaalka ka tirsan Jihaazka Amniga Al Shabaab.
“Ciidanka aan ka soo saarnay gudaha hoteelka waxay hada gaareen goobo aamin ah oo aan u sii diyaarinay. Ciidamo kale ayaa weli ku jira gudaha Hoteel Xayaat. Wayna ku filan yihiin inay sii wadaan hawgalka inta uu Allaah na kala xukumayo anaga iyo cadawga murtadiinta ah ee aan halkaas kula dagaalamayno” ayuu hadalkiisa sii raaciyay sarkaalka Mujaahidka ah.
“Ma doonayo inaan tiro gaar ah kuu sheego, balse waxaan kuu xaqiijinayaa in wax walba ay ku socdaan qorshe iyo xeel dagaal. Ilaahay baan la kaashanaa qorshayaasheena, wixii asbaab ahna waan qaadanaa.” Ayuu hadlkiisa kusoo gababa gabeeyay.
Dagaalka ka socda gudaha hoteelka Xayaat oo soo bilawday galabnimadii Jimcaha ayaa socda ilaa cawada oo ay Axad soo geleyso, waxaana weli gudaha hoteelka ku jira dagaalyahano Al Shabaab ah kuwaas oo neefta ku dhejiyay ciidamadii faraha badnaa ee DF, una diiday inay fooda soo geliyaan hoteelka.
About The Author
