Saaka oo Axad ah waxey maalintii 3-aad rasaas xoogan ka socoto gudaha hoteel Xayaat ee Magaalada Muqdisho.
Saraakiisha hogaaminaya howlgalka ayaa SomaliMeMo u sheegay in waaberigii saaka ay ciidamada DF mar kale isku soo dayeen inay gudaha usoo galaan hoteelka balse ay dagaal adag kala kulmeen ragga Mujaahidiinta ah ee difaaca kaga jira gudaha hoteelka.
“Waxaa gudaha hoteelka weli ku sugan ciidanka Mujaahidiinta, cadawgu waxay isku deyayaan inay gabi ahaan dumiyaan hoteelka balse shiisyahanadeena ayaa ka hortaagan inay miinooyin ku xiraan tiirarka muhiimka ah ee dhismaha” ayuu yiri sarkaalka la hadlay SomaliMeMo.
Waxaa jira khasaare xooggan oo soo gaaray ciidamada kala duwan ee DF, waxaana saacad walba goobta laga qaadayaa maydad iyo dhaawacyo ciidamada ka soo gaaraya isku dayada ay ku doonayaan inay weerarka kusoo afjaraan
Dagaalkan oo bilawday maqribnimadii Jimcaha, isla markaana socda ilaa saakay oo Axad ah ayaa noqonaya kii ugu mudada dheeraa ee waayahan ka dhaca Magaalada Muqdisho. Waxaana uu weerarkaan dadka soo xusuusiyay weerarkii Westgate ee Magaalada Nayroobi halkaas oo ay ciidamada Al Shabaab ka dagaalamayeen muddo afar maalmood ah.
Halkan Hoose Ka Dhageyso Xogta Howlgalka Hoteel Xayaat Ee Galay Maalintii 3-aad.
About The Author
