Dagaallo iyo xasuuq ba’an oo uu bar bar socdo barakicin dadweyne ayaa laga soo sheegayaa deegaanno badan oo dhaca gobolka Oromiya, xilli jabhadda hubeysan ee Oromada ay guulo ka sheeganayaan is ballaarintooda.
Siyaasiyiinta kasoo jeeda gobolka Oromia ayaa soo sheegay in ciidamo ka ammar qaata dowladda Itoobiya ay xasuuq ba’an ka gaysteen magaalooyin badan oo dhaca gobolkan, ayna barakiciyeen kumannaan qoysas ah oo si nabad ah u deganaa guryahooda.
Siyaasiga muddada badan u xirnaa xukuumadda Abiy ee lagu magacaabo Jowhar Maxamed ayaa bartiisa Twitterka soo dhigay in 48 saac gudahood la dilay 350 qof oo Oromo ah, lana barakiciyay ku dhawaad nus milyan qof oo Oromiyaan ah.
Xasuuqa iyo barakicinta dadka ayaa laga soo tabiyay deegaanka Kiramu ee dhaca bariga Walaga iyo deegaannada Kombolcha & Gabate iyo deegaanka Kuyu oo intaba ka tirsan gobolka Oromia.
Xafiiska isgaarsiinta dowladda ee fadhigiisu yahay Addis ababa ayaa si rasmi ah u shaaciyay in gabi ahaan dadka deegaanka Kiramu la faray inay u qaxaan degmada deriska la ah, Taas oo qayb ka ah rabashadaha ka socda gobolka.
Dadka Oromiyaanka ah ayaa badi xasuuqa socda ku eedeeyay jabhadda Axmaarada ee loo yaqaan Faano oo ay adeegsato dowladda xabashida, wallow aysan dowladda xabashidu ka hadlin dagaallada ka socda gobolkan oo iyadu ay ka dambayso.
Dhinaca kale ciidamada jabhadda hubeysan ee loo soo gaabiyo OLA ayaa sheegtay inay la wareegtay gacan ku haynta degmada Amuru ee hoos tagta deegaan waynaha Horo Guduru ee gobolka Oromia.
About The Author
