Iska hor’imaad hubeysan oo u dhaxeeyay askar ka wada tirsan maleeshiyadka murtadiinta ayaa saacadihii lasoo dhaafay ka dhacay gudaha degmada Guriceel ee gobolka Galgaduud, kaas oo ka dhashay is maandhaaf soo kala dhex galay labo askari oo murtadiin ah.
Ilo wareedyo deegaanka ah ayaa sheegay isku dhaca oo ka dhacay gudaha goob ay xaflad ku qabsanayeen saraakiil iyo xubno ka tirsan maamulka ashahaada la dirirka ah ee Galmudug lagu dilay askari ka tirsan maleeshiyaadka Riddada ee loogu yeero booliska, waxaana dilka askarigan murtadka ah ka dambeeyay askari kale oo isna ka tirsan maleeshiyaadka kooxda Riddada Soomaaliya.
Askarigan murtadka ah ee ku dhintay isku dhacan hubeysan ayaa magaciisa lagu sheegay Sanbuur, waxayna ilo wareedyadu intaa kusii dareen in uu goobta isaga baxsaday askariga kale ee dilka gaystay.
Dhowr jeer oo hore waxaa degmada Guriceel ee gobolka Galgaduud ka dhacay isku dhacyo hubeysan oo dhexmaray maleeshiyaad ka wada tirsan murtadiinta kuwaas oo qaarkood sababay dhimasho iyo dhaawaca soo kala gaaray dhinacyada.
Iska hor’imaadyada waa caado iyo dhaqan ay leeyihiin maleeshiyaadka murtadiinta, isku dhacyadan ayaa si isku mida looga soo calaamadiya goobaha ay ka arrimiyaan maamullada ashahaada la dirirka ah ee dalka ka jira.
About The Author
