Iyagoo qayb ka ah howlgallada lagu baacsanayo kooxaha daroogada ka ganacsada iyo kuwa soo geliya Muqdisho ayay ciidamada Mujaahidiintu beegsadeen illaa 3 goobood oo lagu iibinayay daroogada nuucyadeeda kala duwan kuwaasi oo ku wada yiillay degmada Yaaqshiid ee magaalada Muqdisho.
Xarunta ugu horraysay ee ay Mujaahidiintu beegsadeen waxay ku tiillay isgoyska Fagax waxaana halkaasi lagu iibinayay daroogo kala duwan, waxayna goobtan Mujaahidiintu ku ku khaarajiyeen 3 nin oo isugu jirtay milkiilihii xarunta iyo 2 ka mid ah shaqaalihiisa waxaana ka mid ahaa Cabdi Fitaax oo ahaa milkiilihii goobta Cabdi Majiid Carab iyo Asad oo labaduba ka mid ahaa shaqaalihiisa.
Xarunta 2-aad waxay ku tiillay isgoyska Fagax ee isla degmada Yaaqshiid waxaana goobtan lagu iibinayay daroogada nuucyadeeda kala duwan, waxayna Mujaahidiintu dileen milkiilihii goobta oo magaciisa lagu soo gaabiyay C/llaahi waxay sidoo kale Mujaahidiintu dhaawaceen mid ka mid ah shaqaalihiisa.
Xarunta 3-aad ee ay Mujaahidiintu weerarka la beegsadeen waxay ku tiillay xaafada Siisii ee isla degmada Yaaqshiid goobtan ayay Mujaahidiintu si gaar ah ula beegsadeen howlgal qarax ah.
Xarumaha ku yiillay isgosyska Fagax ee degmada Yaaqshiid waxaa si joogta ah habeen iyo maalinba maandooriyaha daroogada uga qaadi jiray mootooyin fara badan, kuwaasi oo daroogada geyn jiray hoteellada iyo goobaha kale ee lagu tunto.
Howlgalladan gaarka ah markii ay Mujaahidiintu ka fuliyeen isgoyska Fagax waxa uu Allaah qadaray in albaabada la isugu dhufto 12 xarumood oo lagu iibin jiray, laguna keydin jiray daroogada nuucyadeeda kala duwan, kuna yiillay isgoyska Fagax, kuwaasi oo markii ay indhaha saareen maydadka rag ka mid ahaa kuwii hormuudka uga ahaa iibinta daroogada oo lagu dilayo goobtii daroogada ay ku iibinayeen ayey cabsi awgeed iyaguna goobahoodii daroogada isaga xireen kana carareen.
Howlgalladan waxay qayb ka yihiin howlgallada gaarka ah ee ay Mujaahidiintu ku baacsanayaan kooxaha loo caal waayay ee ka ganacsada maandooriyaha daroogada noocyadiisa kala duwan, waana howlgalkii saddexaad oo ka dhan ah kooxahan oo ay ciidamada Mujaahidiintu ka fuliyeen magaalada Muqdisho iyo duleedyadeeda, tan iyo markii uu taliska ciidanka Mujaahidiintu ku dhawaaqay howlgal ka dhana dadka daroogada soo geliya caasimadda, xarumaha faaxishada lagu sameeyo, ciyaal weerarada iyo tuugada hubeysan ee dadka dhacda.
About The Author
