Ciidamada mujaahidiinta ee ka jihaada wilaayada Banaadir ayaa howlgal gaar ah oo ay ka fuliyeen xaafadda Soona-key ee degmada Hodan waxay ku khaarajiyeen sarkaal iyo askari ka tirsanaa kooxda Riddada Soomaaliya, sarkaalka murtadka ah ee lagu dilay howlgalkan ayaa lagu magacaabi jiray Ilkacase.
Howlgal kale oo ciidamada mujaahidiintu ka fuliyeen deegaanka Tabeelaha Sheekh Ibraahiim ee duleedka Muqdisho waxaa lagu dilay askari ka tirsanaa maleeshiyaadka murtadiinta Bangarafta ee ay tababaratay dowladda saliibiyadda ah ee Mareykanka, waxaana murtadkaasi la oran jiray Cismaan Xaaji.
CIidanka guutada qaraxyada mujaahidiinta ayaa dhankooda howlgal qarax ah la beegsaday fariisin ciidan oo askar ka tirsan murtadiinta ay kaga suganyihiin degmada Kaxda ee Muqdisho, waxaana qaraxaasi ku dhaawacmay 2 askari oo murtadiin ah.
Dhanka Hiiraan, waxay ciidamada mujaahidiintu dagaal kaddib la wareegeen gacan ku haynta degaanka Abuurey oo dhaca bariga wilaayada islaamiga ah ee Hiiraan, si gaar ahna u hoostaga degmada Buulo-burte.
Dhinaca kale waxay ciidamada mujaahidiintu saacadihii lasoo dhaafay dagaal culus ku qaadeen saldhigga ciidamada saliibiyiinta xabashida Itoobiya ee Airport-ka degmada Baardheere ee wilaayada Gedo, jugta madaafiicda iyo hubka noocyadiisa kala duwan ee la isku adeegsanayay dagaalka ayaa si aad ah looga maqlayay xaafadaha degmada iyo miyiga fog fog, taasi oo muujinayso sida uu u cuslaa dagaalka.
Dhanka wilaayada Baay, ciidamada mujaahidiintu waxay dagaal ku qaadeen xerada maleeshiyaadka murtadiinta ee Iidow dhegal ee magaalada Baydhaba.
Gaarisana, howlgal gaar ah oo ciidamada mujaahidiintu ka fuliyeen degmada FAAFI ee gobalkaasi Gaarisa waxay ku dileen guddoomiyihii waaxda Yuubis ee degmada Faafi, kaasi oo lagu magacaabi jiray Cabdi Kuusow.
About The Author
