ْ
Wararka ka imaanaya dhulka barakaysan ee Falastiin ayaa sheegaya in weeraro cagmarin ah lagu beegsaday maleeshiyaadka gumeystaha Yahuudda ee xoogga loogu deegaameeyay dhulalka muslimiinta ah ee reer Falastiiniyiinta.
Kooxaha muqaawamada ayaa ku dhawaaqay howlgal millatari oo loogu magac daray Duufaanta Al-aqsaa, kaas oo lagu beegsaday deegaannada Yahuudda xoogga lagu dajiyay ee dhaca nawaaxiga Qazza, Maxamed Al-deyf oo ah taliyaha ciidamada guutada Qasaam oo ah garabka millatari ee xarakada Xamaas ayaa ku dhawaaqay howlgalkan.
Aldeyf ayaa sheegay inaysan aqoonsanayn xuduudaha gacan ku rimiska ah ee ay samaysteen Yahuudda, isagoo faray dhammaan kooxaha muqaawamada iyo Filistiiniyiinta kaleba inay qaadaan weeraro dhan walba ah oo lagu beegsado Yahuudda.
Saldhigyo waawayn oo ay Yahuuddu ku leeyihiin deegaannada ku xeera marinka Qazza ayay jabsadeen kooxaha muqaawamada, waxayna gacanta ku dhigeen sidoo kalena gubeen Taangiyo ay Yahuuddu leedahay, maxaabiis dagaal ayay sidoo kale gacanta ku dhigeen kuwaas oo ka tirsan maamulka gumeystaha, iyagoo dilay sidoo kalena dhaawacay dad badan oo Yahuud ah. sida ay sheegtay warbaahinta ku hadasha afka Yahuudda.
Weerarada dhanka dhulka ah waxaa barbar socda gantaallada lagu garaacayo magaalooyinka xoogga lagu dajiyay dadka Yahuudda, mustowdhiniinta Yahuudda ayaana billaabay barakac aan horay loo arag, maydadka askarta Yahuudda ayaa lagu arki karaa iyagoo daadsan jidadka magaalooyinkii xoogga lagu dajiyay sida laga dheehan karo sawirro ay soo bandhigeen muqaawamada.
Wargayska Yadiicoot Axronood oo kasoo baxa deegaannada Yahuudda ayaa sheegay in saaka oo kaliya In ka badan 1,000 gantaal laga soo tuuray marinka Qaza, kuwaas oo ku wajahnaa deegaannada Yahuudda xoogga lagu dajiyay.
About The Author
