Ciidamo ka tirsan jabhadda mujaahidiinta ee ka howlgala wilaayada Bakool, ayaa weerar culus oo toos ah ku qaaday saldhigga maleeshiyaadka murtadiinta ay kaga suganyihiin degmada Xudur, oo ka mida degmooyinka Bakool ee ay duullaanka saliibiga ah ku joogaan xabashida Itoobiya.
Jugta madaafiicda iyo hubka noocyadiisa kala duwan ee la isku adeegsanayay dagaalka ayaa si wayn looga maqlayay meelo ka fog fog magaaladaasi, waxaana weerarkan tooska ah ee lagu miray saldhigga Riddada ee Xudur, uu kusoo beegmayaa xilli saacadihii lasoo dhaafay ay sidan oo kale mujaahidiintu weerar culus ugu mireen saldhigga ciidanka xabashida Itoobiya ee degmada Diinsoor ee wilaayada Baay.
Ciidanka mujaahidiinta ee ka howlgala wilaayaadka dhaca koonfurta iyo bartamaha Soomaaliya ayaa sare u qaaday howlgallada jihaadiga ah ee ay ku beegsanayaan saliibiyiinta iyo dabadhilifyadooda murtadiinta ah, waxay sidoo kale howlgallada mujaahidiintu sidaas si la mid ah ay uga socdaan gobollada NFD iyo Laamu oo ah dhulal ay muslimiintu leeyihiin balse ay Kenya xoog ku haysato.
About The Author
