Bulshada Soomaaliyeed ee ku dhaqan gobollada waqooyi galbeed ee dalka Soomaaliya ayaa si wayn kaga dhiidhiyay heshiiskii xaaraanta iyo burcad-nimada ahaa ee uu murtad Muuse Amxaar nasaarada xabashida ku siiyay qaybo ka mid ah xeebaha Soomaaliya.
Magaalooyinka Burco, Hargaysa iyo Boorama, waxaa si wayn u gilgilay isku soo baxyo ay kumannaan kun isugu soo baxeen, kuwaas oo ka dhiidhinayay boobka uu murtad Muuse Biixi ku hayo khayraadkooda sidoo kalena uu Itoobiya ku siiyay 20Km oo ka mid ah xeebaha gobollada waqooyi.
Maanta dibadbaxyada ugu xooggan waxay ka dhaceen magaalada Boorama ee gobolka Awdal, gobolkaas oo ah halka ay Itoobiya sheegtay in si gaar ah looga siiyay badda, waxaana dibadbaxyadaasi xigay isku soo bax kale oo ka dhacay degmada Lughaye ee gobolka Awdal, halkaas oo uu dhowaan la-taliyaha dhanka amniga ee Ra’iisul wasaaraha dalka Itoobiya Ridwaan Xuseen sheegay inay ka mid tahay goobaha loo asteeyay in lagu wareejiyo nasaarada xabashida.
Bulshada ku dhaqan degmada Lughaye oo hubkooda lasoo baxay ayaa sheegay inaysan aqoonsanayn Muuse Biixi iyo maamulkiisa, xeebaha Zaylac iyo Lughayena yihiin dhul ay leeyihiin muslimiinta Soomaaliyeed, isla markaana ay si adag isaga difaaci doonaan.
Hoos ka daawo sawirrada diyaar garowga reer Lughaye.
About The Author
