Dadka Itoobiyaanka ah ee ku dhaqan gobolka Wal-walo ee dhaca bariga Tigray ee waqooyiga waddanla Itoobiya ayaa ka qayla dhaaminaya abaarta iyo macluusha daran ee ku dhufatay deegaannadooda, xilli dhowaan uun la shaaciyay in malaayiin qof oo ku nool gobolkan ay halis ugu jiraan inay macluul u dhintaan.
Qoysaska Tigrayga ah ee gobolka ku dhaqan ayaa warbaahinta maxalliga ah u sheegay dad badan oo halkaas degaan u ahaa ay u dhinteen macluusha, kumanaan kalena ay halis ku hayso xaaladda gaajada ah ee gobolka ka taagan.
Mid ka mid ah haweenka ku dhaqan gobolka Wal-waalo ayaa Channelka Tigray-ga u sheegtay in xaalad aad u halis badan ay ka jirto gobolka, haddii aan gurmad lala soo gaarina ay suuragal tahay inay dhintaan.
“Waxaa laga yaabaa inaan si dhaqso ah u dhimanno haddii aanan helin gargaar,” ayay ku tiri telefishanka, waxayna intaas raacisay inay iyaduba goobjoog u ahayd dhimashada mid ka mid ah xubnaha qoyskeeda, kaasi oo u dhintay macluusha iyo gaajada.
Waxay sidoo kale dadkan Tigrayga ah sheegeen in 215 xubnood oo Itoobiyaan ah ay maalmihii lasoo dhaafay gaajo iyo haraad ugu dhinteen deegaanno ka tirsan gobolkan dhaca bariga Tigray, waxayna tilmaameen in dowladdoodu dayacday oo ay ka gaabisay u gurmashadooda,
About The Author
