Duleedka magaalada Kismaayo ee xarunta gobolka Jubbada hoose ayaa markale maanta marti geliyay qaraxyo iyo dagaallo xooggan oo lagu jabiyay maleeshiyo ka tirsan maamulka ashahaada la dirirka ah ee uu hoggaamiyo Axmed Madoobe.
Dagaalladu waxay ka dhaceen inta u dhaxeysa deegaannada Buulo-guduud iyo Wirkooy ee dhaca duleedka magaalada Kismaayo, waxaana lagu dilay 3 murtad oo lagu kala magacaabi jiray Cagaweyne, oo ahaa taliye Horin, Siciid Cadulqaadir iyo Xasan Shariif, halka sidoo kale lagu dhaawacay 7 kale oo uu ku jiro Guuleed oo ah taliye Unug.
Qaraxyada oo gaarayay illaa 2 qarax waxay mujaahidiintu ka fuliyeen maanta inta u dhaxeeysa deegaammadaTowfiiq iyo Wirkooy oo wada dhaca duleedka Kismaayo, waxaana lagu beegsaday maleeshiyo murtadiin ah oo halkaasi ku lugeynayay, inta la xaqiijiyay waxaa qaraxyadaasi ku dhintay saddex askari oo murtadiin ah, halka ay ku dhaawacmeen 5 kale.
Duleedka Kismaayo ayaa tan iyo toddobaadkii ina dhaafay hoy u noqday weerarada mujaahidiinta ee lagu dhiigbixinayo maleeshiyaadka Riddada, waxaana dagaalladii iyo qaraxyadii halkaas ka dhacay lagu beegsaday maleeshiyo kala taabacsan Axmed Madoobe iyo kuwa murtazaqada u ah Maraykanka ee loo yaqaan Danab.
About The Author
